KINACHOTOKEA BAADA YA FUMANIZI

Ukweli hakuna maneno marahisi ambayo yanaweza kuelezea namna mtu akimfumania mpenzi wake anavyojisikia .Kuna ambao wameripotiwa wakisema kwamba,kufumania ndilo jambo lililokuwa gumu kwenye maisha yao kuliko jambo lingine lolote.
Baadhi ya watu wanasema kwamba wakati wa kufiumania wengine walipata ukichaa kwa muda fulani,wengine  walihisi kufa  au kutamani kufa.Kwa vyovyote iwavyo,bado ni wazi kwamba ,tukio la kufumania lina maumivu mengi kwasababu kila mmoja wetu ana namna alivyofundishwa kuhusu kupenda,ana namna anavyoweza kuhimili usaliti wa kimapenzi na ana kiwango chake cha kujiamini ambacho ni tofauti na cha mwenzake.
Baada ya kufumania watu wengi hupoteza kumbukumbu,hajui kwa muda fulani ni wapi wanakwenda au nini wanachofanya.Hupata hisia ya kuvunjiwa heshima na kujiona wamewekwa uchi hadharani.Wanahisi pia kusalitiwa,kutumiwa ,kukataliwa au kuonekana kama gurudumu la akiba au "rubber stamp" tu!Hujina wamedharaulika na wapenzi wao kupita ukomo wa dharau.Baada ya kufumania,wengi hunyang'anywa hata uwezo wao wa kuwaamini wapenzi wengine watakaofuata.
Mawazo ya mtu aliyefumania hutangatanga na kunakuwa na ugumu wa kudhibiti vitendo vyao kutokana na hasira za ziada zinazowavaa wakati huo.Mawazo yao hujazwa kwa picha za wapenzi wap wakiwa na huyo "mchepuko" waliomfuma naye,akiwa anafanya nae mapenzi.Hii huzidisha hasira dhidi ya mpenzi na pengine dhidi yake mwenyewe.
Wapo waliofumania wamepoteza maisha kutokana na mshtuko baada ya kujua kuwa watu waliowaamini sana katika maisha yao walikua wakitoka nje,tena kwa njia ya kufadhehesha (aina ya mapenzi aliyokuwa akifanya).Kuna wapenzi au wanandoa wengi,ambao baada ya kufumania wameanza kuwa nyondenyonde wa afya hadi wakalala kitandani moja kwa moja pasipo kuamka tena.Kiukweli ni kwamba vifo vyao vimetokana na miili yao kuathiriwa vibaya na hisia zao baada ya tukio la kufumania.
Tunaposhtuka sana miili yetu huafanya mabadiliko mengi.Kwa mfano mshtuko au woga na pengine furaha huweza kusababisha mtu akafa kwasababu ,mwili unaweza kuzalisha kemikali nyingi ambazo zisizotakiwa mwilini ambazo huwa sumu kwa mwili.Wakati mwingine mabadiliko ya msukumo wa
damu na upelekaji wa hewa safi ubongoni hufanyika kwa nguvu sana au kusimama kabisa,jambo ambalo huweza kumdhuru mtu.(Inaendelea toleo lijalo...) .