TUFANYEJE BAADA YA FUMANIZI?

Kama ni mara ya kwanza unamfumania mpenzi wako au hata kama ni mara ya pili .lakini hukuwa unategemea kwamba,jambo hilo lingetokea tena,kwa kawaida,huwa kuna maumivu makali sana ya kihisia.Uamuzi unaoweza kuuchukuawakati huo unaweza usiwe wa busarasana.Kwa hiyo,baada ya fumanizi,inabidi utulie kwanza.Ni kweli kwamba utakuwa na mshtuko mkubwa ambao utakuumiza kihisia,ambapo,unaweza kukufanya uchukue uamuzi usio muafaka wakati mwingine katika hali ya kuchanganyikiwa.
Utulivu ni muhimu sana katika wakati huu wa mshtuko.Njia nzuri ya kupata utulivu ni kujitahidi kujiambia kwamba,huyo mpenzi wako mlikutana mkiwa watu wazima na kila mmoja akiwa na tabia na mienendo yake.Lakini ni kujitahidi kuwa mkweli kwa kutambua kwamba,binadamu ni dhaifu.Uamuzi wa ufanye nini unatakiwa utolewe baada ya kipindi cha mshtuko kupita.Hapa lazima ujiulize kama ni kweli mtaweza kuishi vizuri baada ya tukio hilo,hasa kwa kuzingatia hali ya uhusiano wenu kwa ujumla hata kabla ya kufumaniwa.
Mwanamke mmoja ambaye alimfumania mumewe akiwa anafanya mapenzi na binti aliyekuwa akiuza duka lao la maua,aliwahi kuniambia kwamba,kuna wakati inakuwa vigumu."Mimi nilikua naamua kwamba .ninaondoka ,siweiz,lakini baadaye najiambia ngoja nikae tu.Baadaye tena nabadili mawazo,nasema naondoka"!
Ni kweli hii huweza tokea ila unachotakiwa kufanya ni usikubali uongozwe na hisia, bali uongozwe na nafsi.Isikilize nafsi yako zaidi kuliko hisia.
Ni hatari sana kwa kipindi hiki kama kuwasikiliza ndugu au marafiki,wazazi au watu wengine ambao tunaamini kwamba ,wanaweza kutusaidia kimawazo.

Inabidi mfumaniaji akae chini na mfumaniwaji na kuangalia kama anadhani kuna haja ya kuendelea kuishi pamoja baada ya tukio hilo na amuulize anavyohisi yeye (mfumaniwaji)  ua aangalie namna mfumaniwaji alivyolichukulia hilo tukio.
Ila kuuliza kwa upendo baada ya tukio husaidia sana mtu kujua ukweli.
Kuna wafumaniwaji ambao huwa wanasema  wanachofikiria.Kama wanaona hawana haja tena na wapenzi wao husema ukweli na kama wanaamini bado wanawahitaji,husema hivyo na nia na dhati ya maneno yao huweza kupimika kirahisi.